काठमाडौं , माघ १६ । लिभरपुल ब्राइटनसँग २–१ गोल अन्तरले पराजित हुँदै एफए कप फुटबलको चौंथो चरणबाट बाहिरिएको छ । आइतबार राति भएको खेलमासाविक विजेता लिभरपुल खेलमा सुरुआती अग्रता जोगाउन नसक्दा लिभरपुल पराजित हुँदै बाहिरिएको हो ।
खेलको ३० औं मिनेटमा हार्भे इलियटले गोल गर्दै लिभरपुललाई सुरुआती अग्रता दिलाएपनि खेलको ३९ औं मिनेटमा लेविस डुन्कले गोल गर्दै ब्राइटनलाई १–१ गोलको बराबरीमा ल्याएका थिए । त्यसपछि खेलको इन्जुरी समयमा कोरु मिटोमाले गोल गर्दै ब्राइटनलाई २–१ को जित दिलाए ।
जित संगै ब्राइटन भने पाँचौं चरणमा प्रवेश गरेको छ ।
