काठमाडौं, माघ १६ । प्रधानमन्त्री पुष्पकमल दाहाल प्रचण्डले सूचना वर्गीकरणका विषयमा आज सरोकारवाला पक्षसँग छलफल गर्ने तयारी गरेका छन् । उनले आइतबार दिउँसो आफ्नो फेसबुक पेजमा एक स्टेटस लेख्दै सो जानकारी दिएका हुन् ।
‘सूचना वर्गीकरण समितिले गरेको निर्णयप्रति विभिन्न निकायले व्यक्त गरेको चासोप्रति नेपाल सरकारको गम्भीर ध्यानाकर्षण भएको छ,’ प्रधानमन्त्री दाहालको फेसबुक पेजमा लेखिएको छ, ‘सोमबार आवश्यक निर्णय गरिने छ । सरोकारवाला पक्षसँग छलफल गरेर समस्या समाधान हुन्छ ।”
प्रधानमन्त्री दाहालले सूचनाको हक ऐन २०६४/०७४ को दफा ४ मा सूचनाको संरक्षण सम्बन्धी व्यवस्था रहेको बताए । यसभित्र सूचनाको वर्गीकरण गर्ने व्यवस्था छ । सोही व्यवस्थाअनुसार सूचना वर्गीकरण गर्न नेपाल सरकारका मुख्य सचिवको अध्यक्षतामा समिति गठन गरिएको छ ।
सोही समितिले गोप्य राख्नुपर्ने सूचना तयार गर्छ र सामान्य सूचना र असाधारण सूचनालाई वर्गीकरण गर्छ ।
Published Date: 30 January 2023
