‘मनसरा’ को अर्थ के हो ?

काठमाडौं, वैशाख २६ । उपेन्द्र सुब्बाको निर्देशनमा तयार भएको फिल्म मनसरामा दयाहाङ राई, प्रवीण खतिवडा, मिरुना मगर र मेनुका प्रधानको मुख्य भूमिका छ । दर्शकले फिल्मलाई रुचाएका छन् । यसैले, फिल्मले आगामी दिनमा पनि राम्रो कमाई गर्ने अपेक्षा गन सकिन्छ ।

फिल्म हेर्ने दर्शकको उच्च अकुपेन्सी भएपछि यसका कलाकारहरू पूर्वका विभिन्न हलमा पुगेका थिए । फिल्म ‘जारी’ निर्देशन गरेपछि उपेन्द्रले निर्देशन गरेको यो फिल्मको कथावस्तु, प्रस्तुति, कलाकारको अभिनयलाई दर्शकले रुचाएका छन् ।

यो फिल्मबाट कलाकार प्रवीण खतिवडाको कामको निकै चर्चा भइरहेको छ । प्रवीणले यो फिल्मपछि फिल्म क्षेत्रमा नयाँ उचाई पाउने पक्का छ ।

‘मनसरालाई सहारा चाहिन्छ तर उ स्वतन्त्र छिन् । यही तथ्यलाई आधार मानेर फिल्मको तयार गरेको हो । यसले मिश्रित समाजको हाम्रै कथा भन्छ’, निर्देशक सुब्बाले भने ।