भक्तपुर, माघ १५ । चाँगुनारायण नगरपालिका मा राष्ट्रपति रनिङ शिल्ड प्रतियोगिता सुरु भएको छ । विभिन्न कारण यसअघि संचालन हुन नसकेको यस प्रतियोगिता पहिलोपटक राष्ट्रपति रनिङ शिल्ड प्रतियोगिता आयोजना गरेको हो । चाँगुनारायण नगरपालिका नगर प्रमुख जीवन खत्रीले झण्डोत्तोलन गरि उद्धघाटन गरेको प्रतियोगितामा वद्यार्थीको शारीरिक र बौद्विक क्षमता अभिवृद्धिका लागि खेलकुदले सहयोग पुर्याउने बताए ।
प्रतियोगितामा तेक्वान्दो, उशु, लङजम्प, सटपुट, ट्रिपल जम्प, कराँते, हाइजम्प, ज्याभलिन थ्रो, दौड, रिले दौड, भलिबल र कबड्डी खेलहरु समावेश गरिएका छन् ।
प्रतियोगितामा ३१ विद्यालयका २८९ छात्र , १८९ छात्रा गरि ८६४ जना खेलाडीले सहभागीता जनाएको छ । आज बाट सुरु भएको प्रतियोगितामा १८ गते सम्म संचालन रहने शिक्षा तथा खेलकुद शाखा प्रमुख वीरबहादुर खड्काले जानकारी दिए ।
