काठमाण्डौ,माघ १५ । राष्ट्रिय स्वतन्त्र पार्टीका सभापति रवि लामिछानेले प्रधानमन्त्री पुष्पकमल दाहाल प्रचण्डसँग भेट गरेका छन् । सर्वोच्च अदालतको फैसलापछि शुक्रबार बाध्य भएर राजीनामा दिएका उपप्रधानमन्त्री एवं गृहमन्त्री रवि लामिछाने आइतबार दिउँसो नागरिकता पुनः प्राप्त गर्नासाथ पार्टी सभापतिमा पुनर्बहाली भए । त्यस लगतै आइतबार साँझ रवि बालुवाटार पुगेका प्रधानमन्त्रीको सचिवालय स्रोतले जनाएको छ ।
स्रोतका अनुसार आजै बसेको राष्ट्रिय स्वतन्त्र पार्टीको बैठकले लामिछानेलाई सभापतिमा पुनः नियुक्ति गर्नुका साथै उपप्रधानमन्त्री एवं गृहमन्त्रीमा दाबी गर्ने निर्णय गरेको थियो ।
रास्वपाले गृह मन्त्रालयमा आफ्नो दाबी कायम रहेको बताएको छ ।
Published Date: 29 January 2023
