काठमाडौँ, चैत २५ । नेपालका अर्जुन कुमालले आयरल्यान्ड ‘ए’ विरुद्धको एकदिवसीय शृङ्खलाको तेस्रो तथा अन्तिम खेलमा महत्वपूर्ण शतक प्रहार गरेका छन् ।
कीर्तिपुरस्थित त्रिवि क्रिकेट मैदानमा आयरल्यान्ड ‘ए’ले जितका लागि दिएको दुई सय ८५ रनको लक्ष्य पछ्याउने क्रममा कुमालले महत्वपूर्ण शतक प्रहार गरेका हुन् । ११३ बलको सामना गरेका उनले १४ चौका हाने । हाल नेपालले ३४ ओभरमा ५ विकेट गुमाउँदै २०० रन पूरा गरेकाे छ ।
यसअघि टस जितेर पहिले ब्याटिङ रोजेको आयरल्यान्ड ‘ए’ले निर्धारित ५० ओभरमा नौ विकेट गुमाएर दुई सय ८४ रनको योगफल बनाएकाे थियाे । आयरल्यान्ड ‘ए’का स्टीफन डोहनीले शतकीय पारी खेले । उनले एक सय २९ बलमा आठ छौका र दुई छक्काको सहयोगमा एक सय सात रनको योगदान दिए । त्यस्तै पिटर मुरले २४ बलमा दुई चौका र पाँच छक्काको सहयोगमा ४४ रन बनाए भने म्याथ्यु हम्फ्रेजले २३, मोर्गन टोप्पिङले २१ र फिन ह्यान्डले २० रन जोडे ।
Published Date: 07 April 2024
