भक्तपुर, चैत १७ । भक्तपुरका प्रमुख धार्मिक स्थलहरु मध्य सुवर्णेश्वर महादेव मन्दिर पनि एक हो । भक्तपुरको कटुञ्जेको उच्चभागमा अवस्थीत यो मन्दिर साविकको कटुञ्जे गाउँ विकास समिति र हाल सूर्यविनायक नगरपालिका वडा नं. ५ मा पर्दछ ।
उच्च भाग भएकोले यस स्थानबाट काठमाडौँ ललितपुर तथा भक्तपुरका अधिकांश भागको अवलोकन गर्न सकिन्छ ।
कटुञ्जेको उच्चभागमा रहेको यो महादेव मन्दिरको परिसर शान्त, सौम्य, मनमोहक, सुन्दरमात्र नभई विभिन्न बोटविरुवाका कारण यहाँ पुग्ने जो कोहिले छुट्टै अनुभव गर्ने सक्ने छन्।
यहाँको हरियाली, प्राकृतिक वातावरण र बहने हावाको आनन्द लोभलाग्दो छ । त्यसमाथि चराचुरुङ्गीको चिरबिर संगीतका साथ भक्तपुरको उत्तर, उत्तरपूर्व, पश्चिम, दक्षिण भेगसँगै काठमाडौं र ललितपुरका भागहरुको दृष्यावलोकन गर्न पाउने अवसर सो स्थानमा पुगेर मात्र गर्न सकिन्छ ।
