भक्तपुर, चैत १४ । ग्याँस सिलिण्डर लिक भई आगलागी हुँदा भक्तपुरको सूर्यविनायक नगरपालिका वडा नं. १० चित्तपोल दहगाँउमा बस्ने ४७ वर्षकी सन्जु रानामगरको मृत्यु भएको छ ।
मंगलवार जलेर घाईते भएकी रानामगरको उपचारका क्रममा आज मृत्यु भएको हो । रानामगर आफ्नै घरको भान्छा कोठामा खाजा बनाउने क्रममा ग्याँस सिलिण्डर लिक भई आगलागी हुँदा जलेकी थिइन । उपचारका क्रममा किर्तिपुरस्थित बर्न अस्पतालमा उनको मृत्यु भएको प्रहरी परिसर भक्तपुरले जनाएको छ ।
रानामगरलाई उपचारका लागि धुुलिखेल लगिएकोमा त्यहाँ उपचार सम्भव नभएपछि मंगलवारराती नै किर्तिपुर लागिएको थियो । घटनास्थलमा प्रहरी वृत जगाती भक्तपुरबाट अनुसन्धान अधिकृत सहितको प्रहरी टोली खटिई गई अनुसन्धान कार्य भइरहेको जिल्ला प्रहरी परिसर भक्तपुरले जनाएको छ ।
Published Date: 27 March 2024
