नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १८ हजार २०० रुपैयाँमा झरेको छ । यस्तै, तेजाबी सुन प्रतितोला एक लाख १७ हजार ६५० रुपैयाँमा कारोबार भइरहेको छ ।
आज चाँदीको मूल्य पनि ओरालो लागेको छ । चाँदी तोलामा पाँच रुपैयाँले सस्तिदा प्रतितोला एक हजार ३७५ रुपैयाँमा खरिदबिक्री हुँदैछ । पछिल्लो तीन दिनयता चाँदीको मूल्य निरन्तर ओरालो लागिरहेको छ । आइतबारदेखि चाँदी प्रतितोला २५ रुपैयाँले घटिसकेको छ ।
अघिल्लो कारोबार दिन, चाँदीको मूल्य तोलामा १५ रुपैयाँले घटेर प्रतितोला एक हजार ३८० रुपैयाँमा किनबेच भएको थियो ।
