भक्तपुर, माघ २० । भक्तपुरको सूर्यविनायक नगरपालिका–७ गुन्डु कार्कीगाउँमा पलाञ्चोक भगवती मन्दिरको स्थापना गरिएको छ ।
गुण्डुलाई धार्मिक पर्यटकिय दृष्टिकोणले विकास गर्नका लागि यहाँ रहेको लिखानारायण र पलाञ्चोक भगवती मन्दिरले महत्वपूर्ण योगदान पुर्याई रहेको छ ।
नवनिर्मित पलाञ्चोक भगवती र लिखानारायण मन्दिर परिसरमा पलाञ्चोक भगवती, दश अवतार नारायण, देवेश्वर महादेव, गणेश, बङ्गलामुखी, सरस्वती, लक्ष्मी, राधाकृष्ण, काल भैरव, गुण्डु भिमसेनको मन्दिर पनि स्थापना गरिएको छ ।
उक्त पलाञ्चोक भगवती मन्दिरमा दिन प्रतिदिन दर्सन गर्न आउने दर्सनार्थीहरु तथा पिकनिक गर्न आउने परिवारजनहरुको आगमन बढ्दो क्रममा रहेको छ ।
