भक्तपुर, पुस २९ । अक्सफोर्ड प्राक्टिकल स्कुल सल्लाघारी, भक्तपुरको आयोजनामा अक्सफोर्ड विन्टर क्याम्प २०८० हुने भएको छ।
यहि २०८० माघ २, ३ र ४ गते उक्त विन्टर क्याम्प हुन लागेको हो। सो विन्टर क्याम्पमा विधार्थीहरुले विभिन्न क्रियाकलाप गर्ने जनाइएको छ। गीत संगीत, चित्रकला, फेस पेण्टिङ्ग, रक क्लाइम्बिङ्ग, हाइकिङ्ग, क्याम्प फायर, विभिन्न खेलकुद, योग लगायतका क्रियाकलापहरु उक्त क्याम्पमा सहभागी विद्यार्थीहरुले गर्नेछन्।
साथै जुम्बा, विभिन्न स्वादिष्ट परिकारहरु बनाउने पाककला एवं व्यक्तित्व विकास, जीवन उपयोगी विभिन्न सीप पनि सो क्याम्पबाट विद्यार्थीहरुले सिक्ने कुरा स्कूलका प्रिन्सिपल रवि दुवालले आइकन खबरलाई जानकारी दिए। सो विन्टर क्याम्प स्कूल प्राङ्गण भक्तपुर नगरपालिका वडा नं १ सल्लाघारीमै हुने जनाएको छ ।
