भक्तपुर, पुस २७ । लायन्स क्लव अफ भक्तपुर स्वनिग:को आयोजनामा आज भक्तपुरमा निःशुल्क स्वास्थ्य शिविर सम्पन्न भयो। भक्तपुरको टौमढि क्षेत्रमा आयोजित सो शिविरमा मुटुसम्बन्धि रोगको जाँच, नशारोग, आँखा रोग, स्त्री रोगको जाँच भएको थियो।
सोहि शिविरमा निशुल्क औषधि वितरण तथा निशुल्क सुगर एवं प्रेसर जाँच पनि भएको थियो।
कार्यक्रममा रक्तदान कार्यक्रम पनि सम्पन्न भयो। रक्तदान कार्यक्रममा २९ जना रक्तदाताहरुले रक्तदान गरेका थिए। निशुल्क स्वास्थ्य शिविरमार्फत १२ बर्ष देखि ८८ वर्ष सम्मका २१२ जना महानुभावहरु लाभान्वित भएको कुरा आयोजक कमिटिले जनाएको छ।
