सन्दीप लामिछानेविरुद्धको मुद्दाको सुनुवाइ वकिलको अनुपस्थितिका कारण स्थगित

काठमाडौं, मंसिर २४ । क्रिकेटर सन्दीप लामिछानेविरुद्धको मुद्दाको सुनुवाइ वकिलको अनुपस्थितिका कारण स्थगित भएको छ । चितवनमा नेपाल बार एसोसिएसनको सम्मेलनका कारण अधिवक्ता उपस्थित हुन नसकेपछि मुद्दा स्थगित भएको हो ।

आइतबार न्यायाधीश पद्मराज पाण्डेको इजलासमा लामिछानेविरुद्धको मुद्दाको सुनुवाइ भएको थियो । लामिछानेका वकिल सरोजकृष्ण घिमिरेले शम्भु थापा र अन्य कानुन व्यवसायीहरू अन्तिम सुनुवाइमा उपस्थित हुन नसकेकाले मुद्दा स्थगन गरिएको बताए ।