काठमाडौैं, माघ ४। बहराइनले नेपालका वरिष्ठ आँखा विशेषज्ञ डाक्टर सन्दुक रुइतलाई चर्चित इशा अवार्डले सम्मान गर्ने घोषणा गरेको छ। १० लाख अमेरिकी डलर (करिव १३ करोड रुपैयाँ) राशिको सो पुरस्कार पाउने डा. रुइत पहिलो नेपाली हुन्।
बहराइनका राजाका विशेष प्रतिनिधि शेख मोहम्मद बिन मुबारक अल खालिफाले अवार्डको घोषणा गरेका हुन्। अवार्डको लागि सुरुमा विश्वभरबाट १३९जनाको नाम छनौट गरिएको थियो।
बहराइन राज्यले हरेक दुई वर्षमा प्रदान गर्ने प्रतिष्ठित पुरस्कार स्वर्ण पदक र १० लाख डलर रहेको छ । यो पुरस्कार विपत् रोकथाम र राहत, शिक्षा र मानव सहिष्णुतालगायत ११ वटा विधामध्येबाट प्रदान गरिन्छ । मोतीबिन्दुको शल्यक्रिया गरी एसिया र विश्वका अन्य भागमा एक लाख ८० हजारभन्दा बढी मानिसलाई दृष्टि दिन मद्दत गरेका आधारमा डा. रुइतलाई पुरस्कार प्रदान गरिएको गल्फ न्युजले जनाएको छ ।
Published Date: 18 January 2023
