काठमाडौँ, माघ ४। बलिउडका अभिनेता शाहरुख खानको आगामी फिल्म ‘पठान’ यही माघ ११ मा हलमा रिलिज हुँदैछ, जसलाई लिएर बलिउडका ‘बादशाह’ निकै उत्साहित छन् । फिल्मको भर्खरै रिलिज भएको ट्रेलरले पनि राम्रो प्रतिक्रिया पाइरहेको देखिन्छ, जसले गर्दा निर्माताहरु निकै खुसी छन् ।
यसै क्रममा यो फिल्मको बारेमा अर्को खुसीको खबर आएको छ । भारतीय सञ्चार माध्यमका अनुसार अमेरिकामा ‘पठान’को अग्रिम बुकिङ सुरु भएको भईरहेको छ । सो फिल्मले पहिलो दिन अग्रिम बुकिङ गरी २ करोड ४० लाखको टिकट बिक्री गरेको छ । लेट्स सिनेमाले ट्वीट मार्फत यो जानकारी दिएको छ । यस फिल्मले रिलिज हुनु अघि पहिलो दिन अमेरिकाबाट मात्रै यति ठूलो कमाई गरेको हो ।
अग्रिम बुकिङ्गान देखिएको उत्न्साहले पनि विश्वभर रिलिज हुनुअघि नै कति कमाउन सक्छ भन्ने अनुमान गर्न सकिन्छ । फिल्म ‘पठान’ मार्फत दर्शकले फेरि एक पटक शाहरुख र दीपिका पादुकोणको जोडीलाई पर्दामा देख्ने पाउने भएका छन् । फिल्ममा जोन अब्राहम पनि महत्वपूर्ण भूमिकामा छन् । यस फिल्ममार्फत शाहरुख ४ वर्षपछि ठूलो पर्दामा फर्कन लागेका हुन् । यसअघि उनी अन्तिम पटक उनको फिल्म ‘जिरो’मा देखिएका थिए, जुन बक्स अफिसमा नराम्रोसँग फ्लप भएको थियो ।
यस फिल्ममा उनीसँगै बलिउड अभिनेत्री अनुष्का शर्मा देखिएकी थिइन् । त्यसैगरी, ‘जिरो’ फ्लप भएपछि शाहरुखले ४ वर्षसम्म कुनै पनि फिल्ममा काम गरेनन्, किनभने यस अवधिमा उनले आफ्नो सबै समय ‘पठान’ लाई दिएका थिए । फिल्मको ट्रेलर सार्वजनिक भएपछि शाहरुखको कडा काम यसमा देखियो । त्यसैले शाहरुख खानलाई आफ्नो फिल्मबाट धेरै आशा छ ।
यद्यपि शाहरुखका लागि यो सजिलो हुनेछैन, किनकि जसरी साउथका फिल्म बक्स अफिसमा हावी भइरहेका छन्, त्यो उनका लागि ठूलो चुनौती हो । भारतीय सञ्चार माध्यमका अनुसार कोभिड महामारीपछि सिनेमाघरमा फिल्म रिलिज हुन थालेदेखि केही बलिउड फिल्म बाहेक बाँकीको अवस्था निकै खराब छ । जबकि भारतीय बक्स अफिसमा साउथका फिल्महरु लगातार राम्रो गरेको देख्न सकिन्छ ।
