काठमाडौं, मंसिर ७ । सरकारले ऊर्जा, जलस्रोत तथा सिँचाइ मन्त्रालयका सचिव दिनेशकुमार घिमिरेको राजीनामा स्वीकृत गरेको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज बसेको मन्त्रिपरिषद्को बैठकले सचिव घिमिरेको राजीनामा स्वीकृत गरेको हो । सचिव घिमिरेले व्यक्तिगत कारण देखाउँदै कार्यकाल सकिन एक महिनाअघि नै पदबाट राजीनामा दिएका थिए ।
त्यस्तै, मन्त्रिपरिषद् बैठकले कञ्चनपुरका पूर्णबहादुर कुँवरलाई ई–गभर्नेन्स आयोगको सदस्यमा नियुक्त गर्ने निर्णय गरेको छ ।
मन्त्रिपरिषद्को बैठकले प्राविधिक शिक्षा क्षेत्रका लागि स्विट्जरल्यान्डले दिने ४ अर्ब ४६ करोड ५० लाख (करिब रु ६५ करोड) अनुदान सहयोग स्वीकृत गर्ने निर्णय गरेको सञ्चार तथा सूचना प्रविधिमन्त्री रेखा शर्माले जानकारी दिए । प्रवक्ता।
त्यसैगरी, मन्त्रिपरिषद् बैठकले आयोगको मागबमोजिम सुन तस्करी नियन्त्रणसम्बन्धी अनुसन्धान आयोगलाई प्राविधिकसहित चार जनशक्ति तोक्ने निर्णय गरेको छ ।
Published Date: 23 November 2023
