काठमाडौं, असोज १४ । सुनको भाउमा भारी गिरावट आएको छ ।
पछिल्लो ५ दिनमा मात्रै सुनको भाउ ४ हजार २०० रुपैयाँले घट्न पुगेको छ । नेपाल सुन–चाँदी व्यवसायी महासंघका अनुसार आइतबार पनि छापावाल सुन प्रतितोला ८०० रुपैयाँले घटेर १ लाख ८ हजार रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख ७ हजार ५०० रुपैयाँ निर्धारण भएको छ । यसअघि मंगलबार, बुधबार, बिहीबार र शुक्रबार सुनको भाउ क्रमशः प्रतितोला ४००, ८००, १४ सय र ८०० रुपैयाँले घटेको थियो ।
यसअघि, शुक्रबार छापावाल सुन १ लाख ८ हजार ८०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ८ हजार ३०० रुपैयाँ निर्धारण भएको थियो ।
आइतबार चाँदीको भाउ पनि तोलामा ३५ रुपैयाँले घटेर तोलाको १३ सय ६० रुपैयाँ कायम भएको छ । शुक्रबार चाँदीको भाउ प्रतितोला १३ सय ९५ रुपैयाँ कायम रहेको थियो ।
Published Date: 01 October 2023
