मुम्बई, असोज १२ । बलिउड अभिनेता अभिषेक बच्चनको वास्तविक नाम अभिषेक अमिताभ श्रीवास्तव हो । बुबा अमिताभले उनलाई प्रेमले ‘भईयू’ भन्छन् । यो नाम अभिषेकलाई उनकी बहिनी श्वेताले दिएकी हुन् ।
अभिषेककी श्रीमती ऐश्वर्याको निकनेम ‘गुल्लू’ हो । ऐश्वर्याका भाइका छोरा-छोरीले उनलाई गुल्लू मामी भनेर बोलाउँछन् । तर अभिषेकले ऐश्वर्यालाई के-के नामले बोलाउँछन् होला ? अधिकांशको जिज्ञासा हुन्छ ।
अभिषेकले ऐश्वर्यालाई कहिले ‘नम्बर ९’ भन्छन् भने कहिले ‘पद्म श्रीमती’ भन्छन् ।
अभिषेकले श्रीमती ऐश्वर्यालाई ‘नम्बर ९’ भन्नुको कारण एकपटक ऐश्वर्यालाई संसारको सबैभन्दा सुन्दर महिलाको लिस्टको नम्बर ९ को र्याङ्क प्राप्त भएको थियो ।
त्यस्तै, अभिषेकले ऐश्वर्यालाई ‘पद्म श्रीमती’ नामले बोलाउनुको कारण ऐश्वर्य सन् २००९ मा पद्मश्रीबाट सम्मानित भएकी थिइन् ।