काठमाडौँ, असोज ४ । काठमाडौँको बानेश्वर चोकमा भईरहेको शिक्षक आन्दोलनका कारण काठमाडौंको माईतीघर-नयाबानेश्वर रुटहुँदै संचालन हुने सवारी साधनलाई विभिन्न् स्थानबाट डाईभर्सन गरिएको छ ।
माईतीघरबाट बानेश्वर स्थित बेकरी क्याफे सम्मको लागि र्याली भइरहेका कारण सवारी साधनलाई डाईभर्सन गरिएको हो । डाइभर्सनका कारण तीनकुने, कालीमाटी, बल्खुबाट ठुला सवारी साधनलाई र साना सवारी साधनलाई भने नयाँबानेश्वर, थापाथली, हनुमानस्थान बबरमहल, बिजुलीबजार लगायतका चोकहरुबाट डाइभर्सन गरिएको छ ।
नयाँबानेश्वर सम्मको लागि भइरहेको र्यालीका कारण सवारी साधन डाइभर्सन गरिंदा भद्रकाली, त्रिपुरेश्वर, रणोद्दिप चोक, थापागाउँ, अनामनगर, कालिकास्थान, सिंहदरबार, पुतलीसडक, शान्तीनगर, तीनकुने गैह्रिगाउँ, नयाँबानेश्वर पानीट्याङकी, कुपण्डोल, सोह्रखुट्टे, जयनेपाल, कृष्ण पाउरोटी लगायतका चोकमा सवारी साधन चापमा चलिरहेका छन् ।
सहज यात्राका लागि पैदलयात्री तथा सवारी चालकलाई अन्य वैकल्पिक मार्ग प्रयोग गर्नुहुन ट्राफिक प्रहरीले अनुरोध गरेको छ ।
