काठमाडौँ, पुस २७। नेपाल सरकार स्वास्थ्य तथा जनसङ्ख्या मन्त्रालय अन्तर्गतको राष्ट्रिय स्वास्थ्य शिक्षा, सूचना तथा सञ्चार केन्द्रले दादुराबाट जोगाउन आफ्ना बालबालिकालाई दादुरा र रुबेलाविरुद्धको खोप लगाउन सबैमा अनुरोध गरेको छ।
नेपालगञ्जमा दादुरा तथा रुबेलाविरुद्धको खोप नलगाएकाहरूमा सङ्क्रमण देखिएपछि मन्त्रालयले आफ्ना बालबालिकालाई खोप नछुटाउन अनुरोध गरेको हो। विज्ञहरुका अनुसार यस खोपको प्रभावकारिता ९७ प्रतिशत सम्म हुने गर्दछ। मन्त्रालयको जानकारी अनुसार नेपालगंजमा मात्रै ९० जनालाई दादुराको पुष्टि भैसकेको छ भने एक जनाको ज्यान पनि गएको छ।
दादुरा र रुबेला विरुद्धको खोप बालबालिका नौ महिना पुगेपछि पहिलो मात्रा र १५ महिना पुगेपछि दोस्रो मात्रा खोप लगाउने गरिन्छ। नेपाल सरकार ले संक्रमण भएको ठाउँमा खोप कार्यक्रम पनि संचालन गरिरहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
