भक्तपुर, असोज २ । भक्तपुर नगरपालिकाको आयोजनामा राष्ट्रिय शिक्षा दिवस २०८० को अवसरमा सम्पन्न वक्तृत्वकला प्रतियोगितामा बागीश्वरी माविका विनिता तामाङ्ग प्रथम, मेधा माविका आशांसु झा द्वितीय, बागीश्वरी माविका बेद बहादुर बस्नेत तृतीय र मेधा माविका सुवेच्छा कार्की र स्कलर्श होमका संजिता चित्रकारले सान्त्वना पुरस्कार जित्न सफल भएको छ ।
यसअघि भनपाको आयोजनामा राष्ट्रिय साक्षरता दिवसको अवसरमा चित्रकला प्रतियोगिता र बाल दिवसको अवसरमा मेयरसँग बालबालिका कार्यक्रम सम्पन्न भएको थियो । ती सबै कार्यक्रमका पुरस्कार वितरण कार्यक्रम पछि सूचना जारी गरी एक कार्यक्रमबीच गरिने आयोजक भनपा शिक्षा शाखाले जनाएको छ ।
वक्तृत्वकला प्रतियोगितामा सहभागी विद्यार्थीहरुलाई कार्यक्रमका सभापति एवं भनपा–३ का वडाध्यक्ष राजकृष्ण गोराले संविधान दिवसको अवसरमा एक प्रति नेपालको संविधान २०७२ प्रदान गरेको थियो ।
Published Date: 19 September 2023
