काठमाडौँ, भदौ ३१ । अभिनेता दयाहाङ राई र अभिनेत्री मिरुना मगर स्टारर फिल्म ‘नाङ्गो गाउँ’ सुरुवाती व्यापार आक्रमक गर्न सफल भएको छ । दया र मिरुनाकै अभिनय रहेको जारी पश्चात् यो नेपाली फिल्ममा उलेख्ख दर्शकको उपस्थिति देखिएको हो ।
एकसाथ प्रदर्शनमा आएका अन्य फिल्महरुका बाबजुद दीपेन्द्र नाँगो गाउँ ले शुक्रबार र शनिबार देशभरका हलहरुमा दर्शक तान्न सफल भयो । आफ्नो फिल्मले दर्शकलाई आकर्षित गरेपछि अभिनेता राईले धन्यवाद दिएका छन् । ‘यो फिल्मको कथाले मलाई छोएको थियो । निर्देशक लामाले पनि फिल्मलाई राम्रो तरिकाले तयार पारेका छन् । यसैले, दर्शकलाई मन पर्यो होला जस्तो लाग्छ । निर्माता सुरक्षित भएको सुन्दा खुशी लाग्छ’ शनिबार आयोजित प्रेममिटमा दयाले भने ।
यस्तै उनले आफूलाई आफ्नै अघिल्ला फिल्मको रेकर्ड ब्रेक गर्ने लोभ भने नभएको बताए । उनले भने-‘एउटा कलाकारलाई दर्शकले दिने माया र साथ नै ठूलो कुरा हो । यो फिल्मले अरु फिल्मसँग स्क्रिन शेयर गर्नुपरेकाले पनि सुरुवाती दिनमै रेकर्ड ब्रेक गर्न सक्दैन होला । तर, बुकिङ रातो देख्दा खुशी लागेको छ ।’
निर्माता हिमाल कडरियाले फिल्मबाट पाएको प्रतिक्रिया र दर्शकको साथले उत्साहित बनाएको बताए । उनले कलेक्शन अहिले नै भन्न नसकिने भन्दै आफू नेपाल र ओभरसिजबाट सुरक्षित भैसकेको सुनाए । निर्देशक दीपेन्द्र लामाले फिल्मको कथा लेख्दा नै आफूलाई दर्शकले मन पराउनुहुन्छ भन्ने लागेको बताए । उनले भने-‘मलाई यो फिल्म चल्दैन भन्ने त कतै पनि लागेको थिएन । दर्शकले प्रतिक्रिया पनि उत्कृष्ट दिनु भएको छ ।’
जय श्रेष्ठ निर्माता, रामहरि श्रेष्ठ कार्यकारी निर्माता रहेको यो फिल्मको आज मल्टिप्लेक्समा शोज समेत वृद्धि भएको छ । भोलीबाट हलमा अझै शोज बढेको देखिन्छ । वितरक रोहितले फिल्मको व्यापार बम्पर भएको भन्दै यसले नेपालबाट निर्मातालाई राम्रो मुनाफा दिने बताए ।
