काठमाडौँ, भदौ २० । अभिनेत्री गौरी मल्लले आफ्नै संगीत, शब्द र स्वरमा गीत ल्याएकी छन् । उनको धिन ताका नाका धिन गीतको भिडियोलाई उनकै अफिसियल युटुव च्यानलमा अपलोड गरिएको छ ।
तीजलाई लक्षित गर्दै ल्याइएको उक्त गीतमा उनी सहित अभिनेत्री मिथिला शर्मा, नीलम पौडेल, तेन्जु योञ्जन र समाइरा श्रेष्ठ फिचर्ड छन् । उत्सब दाहालले खिचेको भिडियोलाई विकास दाहालले सम्पादन गरेका हुन् । भिडियोको निर्देशन र कोरियोग्राफी सन्तोष राजबहाकको हो । मंगलबार प्रेसमिट गर्दै गौरी मल्लले आफ्नो भिडियो लोकार्पण गरेकी हुन् ।
समारोहमा उनकी आमा सहित मिथिला शर्मा, बसुन्धरा भूषाल, मदनकृष्ण श्रेष्ठ लगायत अन्य अतिथि उपस्थित थिए । सो समारोहमा ‘कन्यादन’ अभिनेत्री भावुक बन्न पुगेकी थिइन् ।
