काठमाडौं, भदौ १६ । राष्ट्रिय स्वतन्त्र पार्टीका सभापति रवि लामिछाने र नेपालका लागि भारतीय राजदूत नवीन श्रीवास्तवले शुक्रबार भेटवार्ता गरेका छन् ।
रास्वपाको पार्टी कार्यालय बनस्थलीमा भएको भेटमा उनीहरुबीच द्विपक्षीय सहयोग र आपसी हितका विषयमा विचारविमर्श भएको पार्टी केन्द्रीय सदस्य प्रतिभा रावलले जानकारी दिए ।
सो अवसरमा सभापति लामिछानेले नेपाल–भारत सम्बन्धलाई थप प्रगाढ बनाउनुपर्ने र आपसी सरोकारका विषयलाई वार्ताबाटै समाधान गर्नुपर्नेमा जोड दिए । उनले भारतीय राजदूतलाई सुशासन, सामाजिक न्याय र आर्थिक विकास पार्टीको प्रमुख एजेन्डा रहेको बताए ।
Published Date: 02 September 2023
