काठमाडौं, भदौ १० । नेपाल राष्ट्र बैङ्कका गभर्नर महाप्रसाद अधिकारीले वित्तीय साक्षरतासम्बन्धी ज्ञान सर्वसाधारणसहित बैंकरहरुलाई पनि आवश्यक रहेको बताएका छन्।
आइतबार काठमाडौँमा वित्तीय साक्षरतासम्बन्धी एक कार्यक्रममा गभर्नर अधिकारीले सो कुरा बताएका हुन् । बैङ्कका धेरै सेवा र टुल्सबारे बैंकर स्वयम्लाई जानकारी नभएको देखिएको उनले बताए।
वित्तीय साक्षरताले सर्वसाधारणलाई बैङ्कको सेवा छनौट गर्न र सही निर्णय लिन सघाउने बताए । यस्तै राष्ट्र बैङ्कले उपलब्ध गराएका सुविधा र बैङ्कभित्र रहेका धेरै सेवाबारे बैंकर स्वयम्लाई पनि आवश्यक जानकारी नभएको उनको भनाइ छ ।
गभर्नर अधिकारीले वित्तीय साक्षरतासँगै डिजिटल कारोबारलाई पनि बढाउन आवश्यक रहेको चर्चा गरे । कारोबारलाई पारदर्शी बनाउने भएकाले वित्तीय साक्षरताको अभियानसँग डिजिटल कारोबारबारे बताउन उहाँले अनुरोध गर्नुभयो । आफू नोटमा हस्ताक्षर गर्ने गभर्नर भए पनि डिजिटल कारोबार बढोस् भनेर सधैँ कामना गर्ने उनको भनाई छ।
Published Date: 27 August 2023
