काठमाडौँ, भदौ ६ । चन्द्रयान–३ आज साँझ ६ बजेर ४ मिनेट भारतीय समय (नेपाली समय करिब ६ बजेर २० मिनेट) मा चन्द्रमाको दक्षिणी ध्रुवमा अवतरण हुँदैछ ।
चन्द्रयान–३ जुलाई २४ मा आन्ध्र प्रदेशको श्रीहरिकोटाबाट बिहान ३ बजेर ३५ मिनेटमा लञ्च गरिएको थियो। अवतरणपछि ४१ दिनमा ३ लाख ८४ हजार किलोमिटरको दुरी पार गरी नयाँ इतिहास लेख्नेछ ।
आईएसआरओ (ISRO)ले सबै प्रणाली सामान्य रहेको बताएको छ। बैंगलोरस्थित कार्यालयमा मिसन अपरेशन टोलीको तयारी पूरा भएको छ। बेलुकी ५:४४ मा ल्यान्डर सही स्थितिमा आउने बित्तिकै टोलीले अटोमेटिक ल्यान्डिङ सिक्वेन्स (ALS) सुरु गर्नेछ।
ल्यान्डर चन्द्रमामा अवतरण हुनासाथै र्याम्प खुल्नेछ र प्रज्ञान रोभर चन्द्रमाको सतहमा आउनेछ। विक्रम ल्यान्डर र प्रज्ञानले एकअर्काको फोटो खिचेर पृथ्वीमा पठाउनेछन् । यदि भारत यो मिसनमा सफल भयो भने, यो चन्द्रमाको दक्षिणी ध्रुवमा अवतरण गर्ने पहिलो देश हुनेछ।
Published Date: 23 August 2023
