विगत ३ दशक देखि अवरुद्व हुँदै आएको “मैति लाखे” नाच पुन: संचालन हुने

काठमाडौँ, भदौ ३ । काठमाडौँ महानगरपालिकाको मैतीदेवी क्षेत्रमा विगतमा आयोजना हुँदै आएको मैति लाखे पुन: संचालनमा आउने भएको छ।

विगत ३ दशक देखि विभिन्न कारणले अवरुद्व हुँदै आएको मैतिदेवी परिसरका विविध साँस्कृतिक कार्यक्रम यस बर्ष देखि पुन: सुरू हुन लागेको हो।

विभिन्न साँस्कृतिक कार्यक्रम अन्तर्गत “मैति लाखे” लाखे नाच भोलि भदौ ४ गते नाग पंचमीको दिनबाट संचालन हुँदैछ। मैतिदेवी परिसरका स्थानिय बासी, युवाहरुको समूह, अग्रज तथा स्थानिय मैतिदेवी युनाइटेड क्लब को जमर्कोमा सो नाच पुन: ल्याउन लागेको हो।

भोलि भदौ ४ गते नाग पंचमीको दिनबाट संचालन हुने सो नाच भदौ २० गते कृष्ण अष्टमीका दिन समापान हुनेछ। सो नाचलाई भिभो मोबाइलले प्रायोजन गरेको छ।