रुपन्देही, साउन २८ । देशका विभिन्न जिल्लाबाट बेपत्ता भएका सात नेपाली बालबालिकाको भारतका विभिन्न स्थानबाट उद्धार गरिएको छ ।
छ वर्षदेखि मानव बेचबिखनविरुद्ध काम गरिरहेको संस्था किन इन्डियाले बेचबिखनमा परेका बालबालिकाको उद्धार गरी नेपाल फर्काउन सहजीकरण गरेको छ । १३ देखि १६ वर्षसम्मका बालबालिकालाई विभिन्न बहानामा प्रलोभनमा पारेर भारत तस्करी गर्ने गरेको छ । पाल्पा, रौतहट, महोत्तरी र अर्घाखाँची जिल्लाका बालबालिकालाई एकदेखि छ महिनाको अवधिमा उद्धार गरिएको हो ।
उद्धार गरिएका बालबालिकाका भारतका किनका निर्देशक नवीन जोशीका अनुसार महिला, बालबालिका तथा ज्येष्ठ नागरिक मन्त्रालयका उपसचिव मीना पौडेल र जिल्ला प्रहरी कार्यालय रुपन्देहीको उपस्थितिमा तीन जनाको परिवारसँग पुनर्मिलन गरिएको हो । एउटालाई जोखिममा रहेका बालबालिकाको केन्द्रमा राखिएको छ। त्यस्तै रुपन्देहीको आश्रय गृहमा अन्य तीन जनालाई राखिएको छ ।
किन, भारतले सन् २०१८ यता भारतका विभिन्न स्थानबाट ५०० भन्दा बढी नेपाली बालबालिकाको उद्धार गरेको छ, उनले भने, ‘हामी भारतीय प्रहरीको सहयोगमा काम गर्छौं ।
