श्रीमती सुनिता कपूरलाई छोडेर कंगना रनौतसँग बिहे गर्छु: अनिल कपूर

मुम्बई, असार २६ । बलिउड अभिनेता अनिल कपूर अभिनयका साथै निजी जीवनका कारण पनि चर्चामा आइरहन्छन् ।

‘कफी विथ करण शोको सिजन ३’ को एक एपिसोडमा अभिनेता कपूरलाई करण जोहरले ‘यदि उनले श्रीमती सुनिता र अन्य महिलामध्ये एक रोज्नु पर्यो भने कसलाई रोज्नु हुन्छ ?’ भन्ने प्रश्न गरेका थिए ।

उक्त कार्यक्रममा अनिल कपूरसंग कंगना रनौत तथा सञ्जय दत्त पनि अतिथिको रूपमा आएका थिए । अनिल कपूरले कार्यक्रमको क्रममा सोधिएका प्रश्नको जवाफमा ठट्टा गर्दै भने – ‘श्रीमती सुनिता कपूरलाई छोडेर कंगना रनौतसँग बिहे गर्छु ।’

अनिलले आफ्नी धर्मपत्नी सुनितालाई कंगना रनौतका लागि छोड्न सक्ने धारणा राखेका थिए। अनिल कपूरको जवाफ सुनेर सबै आश्चर्यमा परेका थिए । कंगनासमेत अनिलको जवाफ सुनेर अचम्ममा परेकी थिइन् भने करणले कंगनालाई ‘तिमीले अब चिन्ता गर्नु पर्छ जस्तो लाग्छ’ भनेका थिए ।