काठमाडौँ, असार २६ । मंगलबार नेप्से परिसूचक ४.७३ अंक घटेर २०७२.२४ विन्दुमा झरेको छ।
नेप्सेसँगै मंगलबार कारोबार रकम पनि घटेको छ। अघिल्लो कारोबार दिन साढे ३ अर्बभन्दा बढीको शेयर खरिदबिक्री भएको बजारमा आज २८३ स्टकको ५४ हजार ९४३ पटकको कारोबारमा २ अर्ब ८५ करोड ९४ लाख ९० हजार रुपैयाँ बराबरको ७९ लाख ८८ हजार कित्ता शेयर खरिदबिक्री भएको छ।
आज १३ उपसमूहमध्ये ४ उपसमूहको परिसूचक बढेको छ भने बाँकी ९ उपसमूहको परिसूचक घटेको छ। विकास बैंक उपसमूहको परिसूचक सर्वाधिक ३.४२ प्रतिशत बढेको छ। त्यस्तै, वित्त उपसमूहको परिसूचक २.९९ प्रतिशत बढेको छ। कारोबारमा आएका होटल तथा पर्यटन र जलविद्युत उपसमूहको परिसूचक १ प्रतिशतभन्दा बढी घटेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
