पछिल्लो एक सातामा सुनको मूल्य प्रतितोला पाँच हजार दुई सय रूपैयाँले बढ्यो

काठमाडौँ, जेठ २१ । पछिल्लो एक सातामा सुनको मूल्य प्रतितोला पाँच हजार दुई सय रूपैयाँले बढेको छ । साताको पहिलो दिन आइतबार प्रतितोला एक लाख आठ हजार एक रूपैयाँमा कारोबार भएको सुनको मूल्य अन्तिम दिन शुक्रबार तोलामा पाँच हजार दुई सय रुपियाँले बढेर एक लाख १३ हजार तीन सय रुपियाँमा कारोबार भएको हो ।

सरकारले आगामी आर्थिक वर्ष २०८०/८१ को बजेटमार्फत गत सोमबार सुनको भन्सार महसुल बढाइएसँगै सुनको मूल्य बढेको हो । बजेटमा १५ प्रतिशत सुनको भन्सार बढेको छ । भन्सार दर बढेसँगै निरन्तर रूपमा सुनको मूल्य बढ्दै गएको नेपाल सुनचाँदी व्यवसायी महासङ्घले जनाएको छ ।