काठमाडौं, जेठ २० । भारतको चारदिने भ्रमणमा रहेका प्रधानमन्त्री पुष्पकमल दाहालको धार्मिक भ्रमण नेपालका लागि चासोको विषय बनेको छ ।
सत्तारुढ नेकपा (माओवादी केन्द्र)का अध्यक्ष दाहालले शुक्रबार भारतको मध्यप्रदेशमा रहेका मन्दिरमा पुगेर पूजाअर्चना गरेका छन् । तस्बिरले गम्भीर विवाद ल्याएको छ ।
नेपालको पशुपतिनाथ मन्दिरमा कहिल्यै विशेष पूजा नगरेका दाहालले शुक्रबार भारतको इन्दोरस्थित महाकालेश्वर मन्दिरमा गेरु पहिरन लगाएका छन् । साथै उनले १०८ किलो रुद्राक्षको माला पनि चढाए । उनले बिरामी पत्नी सीता दाहालको स्वास्थ्यलाभको कामना गर्दै रुद्राक्ष र नगद दान गरेका थिए ।
प्रधानमन्त्री दाहालको यो कदमको उनका पूर्व सहकर्मी तथा पूर्वप्रधानमन्त्री डा बाबुराम भट्टराईले आलोचना गरेका छन् । महाकालेश्वर मन्दिरमा पुजा गरेको दाहालको तस्बिर सामाजिक सञ्जालमा शेयर गर्दै डा भट्टराईले प्रश्न गरेका छन्, “कहाँ जाँदैछौँ ? देश कता जादैछ ?”
