काठमाडौं, वैशाख २८ । संयुक्त राष्ट्रसङ्घीय शरणार्थीसम्बन्धी निकाय संयुक्त राष्ट्रसङ्घीय शरणार्थी उच्चायोगले भर्खरै बाहिर आएको नक्कली भुटानी शरणार्थी प्रकरणप्रति गहिरो चिन्ता व्यक्त गरेको छ ।
सरकारी अनुसन्धानलाई स्वागत गर्दै एजेन्सीले भुटानी शरणार्थीहरूलाई युरोप र अमेरिकामा तेस्रो मुलुकमा पुनर्वास गर्ने आफ्नो कार्यक्रम डिसेम्बर ३१, २०१६ मा बन्द भइसकेको र यसलाई पुनः सुरु गर्ने कुनै योजना नभएको पनि स्पष्ट पारेको छ।
कार्यक्रम बन्द गर्ने सम्बन्धमा सम्बन्धित सरकारी निकाय र सरोकारवालालाई जानकारी गराइसकेको एजेन्सीले जनाएको छ ।