काठमाडौं, वैशाख २५ । सरकारले आन्तरिक ऋण १२ अर्ब उठाउने भएको छ । सरकारले ट्रेजरी बिलमार्फत करिब १२ अर्ब रुपैयाँ आन्तरिक ऋण उठाउन लागेको हो।
नेपाल राष्ट्र बैंकको मौद्रिक व्यवस्थापन विभागले सोमबार ३० अर्ब १८ करोड रुपैयाँको टी–बिल लिलामी गर्दैछ । उक्त रकममध्ये १८ अर्ब १८ करोड रुपैयाँको टी–बिल नवीकरणका लागि लिलामी हुनेछ भने नयाँ आन्तरिक ऋण परिचालनका लागि १२ अर्ब रुपैयाँको नयाँ टि–बिल लिलामी हुनेछ ।
तीन अर्ब रुपैयाँ २८ दिनका लागि, ७ अर्ब १० करोड रुपैयाँ ९१ दिनका लागि, ६ अर्ब रुपैयाँ १८२ दिनका लागि र २ अर्ब ८ करोड रुपैयाँ ३६४ दिनका लागि नवीकरण गर्न वार्ता गर्न लागिएको केन्द्रीय बैंकले जनाएको छ ।
त्यसैगरी नयाँ ९१ दिने टि–बिल मार्फत पाँच अर्ब, १८२ दिने टि–बिल मार्फत तीन अर्ब र ३६४ दिने टि–बिल मार्फत चार अर्ब रुपैयाँ आन्तरिक ऋण परिचालन हुने भएको छ ।
Published Date: 08 May 2023
