काठमाडौँ, वैशाख २५ । सिटि होटल लिमिटेडले आजदेखि सर्वसाधारणको निष्काशन गरेको शेयरमा पहिलो दिनमै माग भन्दा बढी आवेदन परको छ ।
सिडिएस एण्ड क्लियरिङ्गका अनुसार सोमबार साँझ ५ः०३ बजेसम्ममा २ लाख १७ हजार ४३७ आवेदकबाट २४ करोड ८७ लाख ६४ हजार रुपैयाँ बराबरको २४ लाख ८७ हजार ६४० कित्ता शेयरको लागि आवेदन परेको हो ।
यो सर्वसाधारलाई निष्काशन गरिएको १३ लाख ५५ हजार ९४० कित्ता शेयरको १.८३ गुणा बढी हुन आउँछ ।
होटलको आईपीओमा पहिलो दिनमै माग भन्दा बढी आवेदन परेकोले बैशाख २८ गतेसम्म मात्रै आवेदन दिन सकिनेछ । सो आईपीओमा लगानीकर्ताले न्यूनतम १० कित्ता शेयरका लागि आवेदन दिनु पर्नेछ भने अधिकतममा २ हजार कित्ताका लागि आवेदन दिन सक्नेछन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
