काठमाडौं, वैशाख २५ । राष्ट्रिय स्वतन्त्र पार्टीका सांसद डा स्वर्णिम वाग्लेले सरकारले आगामी आर्थिक वर्ष २०७७/०७८ का लागि विनियोजन विधेयकका सिद्धान्त र प्राथमिकताका आधारमा आर्थिक सुधारका लागि गरेको प्रयासले पर्याप्त नभएको टिप्पणी गरेका छन् ।
प्रतिनिधिसभाको आजको बैठकमा विनियोजन विधेयकमाथि आफ्नो धारणा राख्दै उनले अर्थतन्त्रलाई कर्मकाण्डभन्दा पनि सुधारका लागि कडा कदम चाल्नुपर्ने बताए ।
धेरै कुरा समेटेर पनि सिद्धान्त र प्राथमिकताले जनताको अपेक्षा पूरा गर्न नसकेको उनले बताए । ‘देशको अर्थतन्त्रले गति गुमाएको अवस्थामा आर्थिक वृद्धि र समृद्धिको कुरा गर्नु अनुचित हो’, उनले भने । ‘हामी अहिले करिब दुई प्रतिशत आर्थिक वृद्धिमा छौं भने चालु आर्थिक वर्षको आर्थिक वृद्धिको लक्ष्य आठ प्रतिशतको हाराहारीमा छ ।
चालु आर्थिक वर्ष सकिन करिब दुई महिना मात्रै बाँकी रहेकाले आम्दानीको तुलनामा खर्च बढ्ने समस्या प्रमुख चिन्ताको विषय बनेको छ । “बजेट घाटाको खाडल घटाउनमा ठूला चुनौतिहरू छन्। ऋण लगानी र आर्थिक वृद्धिबीच ठूलो खाडल छ। कर्जाको दर नियमित रूपमा २० वा २२ प्रतिशतले बढिरहेको छ। तर, यसले आर्थिक वृद्धिमा खासै योगदान गर्न नसकेको देखिन्छ। “उनले थपे।
Published Date: 08 May 2023
