काठमाडौं, वैशाख २० । चिलिमे हाइड्रोपावर कम्पनीले चालु आर्थिक वर्षको तेस्रो त्रैमासमा ५२ करोड ८९ लाख रुपैयाँ खुद नाफा कमाएको छ । यो नाफा गत वर्षको भन्दा १.३२% ले धेरै हो ।
गत आर्थिक वर्षको यसैअवधिमा यस कम्पनीले ५२ करोड २० लाख रुपैयाँ नाफा कमाएको थियो । यता, कम्पनीको विद्युत बिक्रीबाट हुने आम्दानी भने ८२ करोड ३४ लाख रुपैयाँबाट घटेर ८० करोड ८२ लाख रुपैयाँमा झरेको छ ।
हाल चिलिमेको चुक्ता पुँजी ७ अर्ब २५ करोड ८१ लाख ७९ हजार रुपैयाँ रहेको छ । यसको रिटेन्ड अर्निङमा ३ अर्ब १३ करोड रुपैयाँ जम्मा रहेको छ । गत वर्ष रिटेन्ड अर्निङ ३ अर्ब ३९ करोड रुपैयाँ थियो ।
चैत मसान्तसम्म आइपुग्दा कम्पनीको प्रतिसेयर आम्दानी ९ रुपैयाँ ६२ पैसा रहेको छ भने प्रतिसेयर नेटवर्थ १४३ रुपैयाँ २३ पैसा छ ।
Published Date: 03 May 2023
