काठमाडौं, वैशाख १४ । सरकारले यातायात व्यवस्था कार्यविधि निर्देशिका, २०६० मा नेपालमा बनेका सवारीसाधन दर्ता गर्ने व्यवस्था गरेको छ ।
यातायात व्यवस्था विभागका अनुसार सरकारले उक्त निर्देशिकाको बुँदा नम्बर ११.१ अन्तर्गत नयाँ बुँदा ११.१.१ थपेर निर्देशिका परिमार्जन गरेको हो । विभागले बिहीबार एक सूचना जारी गर्दै नेपालमा बनेका सवारीसाधन दर्ता गर्ने बाटो खुला गरेको जनाएको छ ।
बुधबार बसेको बैठकको निर्णयअनुसार यातायात व्यवस्था कार्यविधि निर्देशिका, २०६० को बुँदा नम्बर ११.१ मा नयाँ बुँदा ११.१.९ थपिएको छ ।
११.१.९ मा नेपालमा बनाइएका वा एसेम्बल गरिएका सवारीसाधनको दर्ताका लागि विशेष व्यवस्था गरिएको विभागले जनाएको छ ।
Published Date: 27 April 2023
