काठमाडौं, वैशाख १२ । फ्लाईदुबईले सोमबार राति उडानका क्रममा चरा ठोक्किएको जानकारी सार्वजनिक गरेपछि नेपाल नागरिक उड्डयन प्राधिकरणले पुनः अध्ययन गर्ने भएको छ ।
प्राधिकरणका प्रवक्ता जगन्नाथ निरौलाले त्रिभुवन अन्तर्राष्ट्रिय विमानस्थलको एयर ट्राफिक कन्ट्रोल (एटीसी) र पाइलटबीच भएको संवाद र फ्लाईदुबईले जारी गरेको सूचनामा बाझिएको बताए ।
पाइलटले घटनापछि इन्जिनमा समस्या भएको एटीसीलाई बताए । हामीले प्रारम्भिक जानकारी लिँदा हावाको प्रवाह पर्याप्त नभएको जानकारी पायौं,’ उनले भने, ‘तर, फ्लाईदुबईका अनुसार त्यहाँ चराचुरुङ्गीले ठक्कर दिएको थियो । त्यसैले हामी यस विषयमा थप अनुसन्धान गर्दैछौं।”
सोमबार राति ९ः२० बजे फ्लुदुबईको काठमाडौं–दुबई उडानमा समस्या आएपछि काठमाडौंको आकाशमा परिक्रमा गर्दै धादिङ पुगेको थियो । पछि पाइलटले नेपाली एटिसीलाई समस्या समाधान भइसकेको र चेकलिस्ट अनुसार विमान आफ्नो गन्तव्यतर्फ उडेको जानकारी गराए ।
Published Date: 25 April 2023
