काठमाडौं, वैशाख १० । प्रतिनिधिसभाको जारी उपनिर्वाचनलाई मध्यनजर गर्दै निर्वाचन आयोगले मधेश प्रदेशका मुख्यमन्त्री सरोजकुमार यादवलाई निर्वाचन आचारसंहिता उल्लङ्घन गरेको भन्दै स्पष्टीकरण मागेको छ ।
बारा निर्वाचन क्षेत्र नं २ मा प्रतिनिधिसभाको उपनिर्वाचन भइरहेका बेला मुख्यमन्त्रीको पचरौटा नगरपालिकाको भ्रमण निर्वाचन आचारसंहिता विपरीत भएको आयोगले जनाएको छ । मुख्यमन्त्रीको भ्रमणलाई आयोगले अनुमति नदिएको र निर्वाचनको निष्पक्षतामा प्रतिकूल असर पार्न सक्ने बताइएको छ ।
२४ घण्टाको स्पष्टिकरणमा मुख्यमन्त्रीलाई आफूले भ्रमणका क्रममा प्रयोग गरेको गाडीमा सेतो नम्बर प्लेट भएको र भ्रमणको सुरक्षा व्यवस्था सरकारी तहबाटै व्यवस्थापन गरिएको हो, आफ्नो पदप्रतिको आफ्नो हिँडाइ उचित र उल्लंघन भए नभएको स्पष्ट पार्न आग्रह गरिएको छ । निर्वाचन आचारसंहिता र आचारसंहिता उल्लङ्घन गरेबापत निर्वाचन आयोग ऐन, २०७९ बमोजिम कारबाही गर्न योग्य भए नभएको आयोगका उपसचिव कमल ज्ञवालीले जानकारी दिए ।
Published Date: 23 April 2023
