खजुरा, वैशाख ७ । बाँकेका छुट्टाछुट्टै स्थानमा आगलागी हुँदा १० घर जलेर नष्ट भएका छन् । घटनामा करिब २५ लाख बराबरको धनमाल नष्ट भएको प्रहरीले जनाएको छ ।
नरैनापुर गाउँपालिका–३ गेग्ली गाउँमा बुधबार साँझ आगलागी हुँदा पाँच घर पूर्णरुपमा र दुईवटा आंशिक जलेर नष्ट भएको प्रहरी निरीक्षक राजन रायमाझीले जानकारी दिए ।
यस्तै, गाउँपालिकाको जनतापुरमा आगलागी हुँदा तीन घर र एउटा पशु गोठ जलेर नष्ट भएको छ । करिब रु १५ लाख बराबरको धनमाल नष्ट भएको उनले बताए ।
दुवै ठाउँमा आगो स्थानीयवासी र प्रहरीको सहयोगमा नियन्त्रणमा लिइएको उनले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
