काठमाडौं, चैत २८ । प्रधानमन्त्री पुष्पकमल दाहालले अर्थतन्त्रका समस्या समाधान गर्न सरकार प्रतिबद्ध रहेको बताएका छन् । नेपाल उद्योग वाणिज्य महासंघको ५७औँ वार्षिक साधारणसभालाई सम्बोधन गर्दै उनले यस्तो बताएका हुन् ।
प्रधानमन्त्री दाहालले आफू प्रधानमन्त्री भएदेखि नै सरकार, नेपाल राष्ट्र बैंक र निजी क्षेत्रबीच गहन छलफल सुरु भएको र अब निकास खोज्ने बेला भएको बताएका छन् ।
उनले लगानीको वातावरण, ब्याजदर नियन्त्रण र अर्थतन्त्रमा सकारात्मक पहलका लागि सरकार गम्भीर रहेको बताए ।
प्रधानमन्त्रीले भने, ‘बाह्य कारणले अर्थतन्त्रको आन्तरिक अवस्थामा केही समस्या देखियो, अहिले सहज अवस्थातर्फ अघि बढिरहेका छौँ,’ ‘व्याज घटाएर लगानी गर्ने क्षमता बढाउन सबै सरकारी निकाय मिलेर काम गरिरहेका छन् ।
Published Date: 11 April 2023
