काठमाडौं, चैत १९ । राष्ट्रपति रामचन्द्र पौडेलको स्वास्थ्यमा सुधार हुँदै गएको त्रिवि शिक्षण अस्पताल महाराजगञ्जले जनाएको छ । अस्पतालका प्रशासन प्रमुख वैकुण्ठप्रसाद थपलियाले आज जारी गरेको प्रेस विज्ञप्ति अनुसार राष्ट्रपति पौडेलको स्वास्थ्यमा सुधार भइरहेको छ ।
पेटको समस्याका कारण अस्पताल भर्ना भएका अध्यक्ष पौडेलको अहिले उपचार भइरहेको छ । उनलाई शनिबार अस्पताल भर्ना गरिएको थियो ।
प्रधानमन्त्री पुष्पकमल दाहाल, नेपाली कांग्रेसका सभापति एवम् पूर्वप्रधानमन्त्री शेरबहादुर देउवा, उपप्रधान तथा रक्षामन्त्री पूर्णबहादुर खड्कालगायतले राष्ट्रपति पौडेलको स्वास्थ्य अवस्थाबारे जानकारी लिन आज बिहान अस्पताल पुगेका थिए ।
त्यसैगरी सांसद सुरेन्द्र आचार्य र पूर्वसभामुख तारानाथ रानाभाटले पनि भेटेर राष्ट्रपति पौडेलको स्वास्थ्य अवस्थाबारे जानकारी लिएको राष्ट्रपति पौडेलका स्वकीय सचिव चिरञ्जीवी अधिकारीले जानकारी दिए ।
