काठमाडौं, चैत १६ । निर्वाचन आयोगले वैशाख १४ गते हुने प्रतिनिधिसभा सदस्यको उपनिर्वाचनका लागि प्रमुख निर्वाचन अधिकृत तोकेको छ ।
आयोगका प्रवक्ता शालिग्राम शर्मा पौड्यालले जारी गरेको विज्ञप्तिअनुसार जिल्ला न्यायाधीश वासुदेव न्यौपानेलाई चितवन–२ मा प्रमुख निर्वाचन अधिकृतमा, जिल्ला न्यायाधीश मुकेश उपाध्यायलाई बारा–२ र जिल्ला न्यायाधीश कोमलप्रसाद आचार्यलाई तनहुँ–१ मा प्रमुख निर्वाचन अधिकृतमा नियुक्त गरिएको हो । न्याय परिषद संग।
उनीहरुलाई चैत १७ गतेदेखि प्रमुख निर्वाचन अधिकृतमा नियुक्त गरिएको हो ।
प्रमुख निर्वाचन अधिकृतको नियुक्तिसँगै चैत १८ गतेबाट सम्बन्धित निर्वाचन अधिकृतको कार्यालय खुल्ने छ भने उपनिर्वाचनका लागि वैशाख २० गते उम्मेदवारी दर्ता गर्ने कार्यक्रम रहेको छ ।
Published Date: 30 March 2023
