काठमाडौं, चैत १३ । प्रधान सेनापति प्रभुराम शर्माले प्राविधिक उपरथी दर्जामा पदोन्नति भएका प्राविधिक सहायक रथी डा. अरुण शर्मालाई दर्ज्यानी चिन्ह प्रदान गरेका छन् । जनसम्पर्क तथा सूचना निर्देशनालय जङ्गी अड्डामा सोमबार आयोजित एक कार्यक्रमकामा प्रधान सेनापति शर्माले उपरथी शर्मालाई दर्ज्यानी चिन्ह प्रदान गरेका हुन् ।
मन्त्रिपरिषद्को चैत्र ६ गतेको बैठकले शर्मालाई प्राविधिक उपरथी दर्जामा बढुवा गर्ने निर्णय गरेको थियो । पदोन्नती भएका प्राविधिक उपरथी शर्मा सैनिक स्वास्थ्य महानिर्देशनालय (सैनिक मेडिकल कोर) को महानिर्देशकमा नियुक्ति भएका छन् ।
सोही अवसरमा, प्रधान सेनापति शर्माले प्राविधिक सहायक रथी दर्जामा पदोन्नती भएका १ प्राविधिक महासेनानी र प्राविधिक महासेनानी दर्जामा पदोन्नती भएका १ जना प्राविधिक प्रमुख सेनानीलाई दर्ज्यानी चिन्ह प्रदान गरेका थिए । सो कार्यक्रममा रथीवृन्द तथा अधिकृतहरुको उपस्थिती रहेको थियो ।
