काठमाडौं, चैत ९ । नेपालमा जापान र यसको संस्कृतिको प्रवद्र्धन गर्ने उद्देश्यले जापानी दूतावासले जापानिज भाषा शिक्षक संघ नेपालसँगको सहकार्यमा चैत ११ र १२ गते काठमाडौंमा जापान दिवस तथा जापानी चलचित्र महोत्सव आयोजना गर्ने भएको छ ।
जापान दिवसले नेशनल थिएटर, जमालमा युकाटा/हिप्पी कोट लगाउने, सुलेख लेखन, ओरिगामी बनाउने र धेरै धेरै रोमाञ्चक जापानी सांस्कृतिक कार्यक्रमहरूको प्रदर्शन देखाउनेछ। दुवै कार्यक्रममा प्रवेश पहिलो आउने पहिलो सेवाको आधारमा नि:शुल्क छ।
सो अवसरमा चैत ११ गते दुईवटा जापानी चलचित्र र चैत १२ गते तीन वटा जापानी चलचित्र प्रदर्शन हुनेछन् । सबै चलचित्र अङ्ग्रेजी सबटाइटलका साथ प्रदर्शन हुनेछन् ।
चैत ११ गते शनिबार बिहान ११ः३० बजे चलचित्र होयर आई बेलङ (१०८ मिनेट) प्रदर्शन हुनेछ, शोक रेसिपी (१२९ मिनेट) दिउँसो २ बजे देखाइनेछ।
त्यसैगरी चैत १२ गते (आइतबार) चलचित्र की अफ लाइफ (१२८ मिनेट) बिहान ११ बजे, सिनबाड (एनिमेसन-१४४ मिनेट) दिउँसो १ः२० बजे र एरिस्टोक्रेट्स (१२४ मिनेट) देखाइनेछ।
दूतावासले यी दुवै सांस्कृतिक कार्यक्रम नेपाली जनताका लागि जापानी संस्कृति र जीवनशैलीसँग परिचित गराउन रोचक अनुभव हुने विश्वास व्यक्त गरेको छ । यस्ता कार्यक्रमले नेपाल र जापानबीचको दीर्घकालीन मित्रताको विस्तारमा टेवा पुर्याउने विश्वास पनि दूतावासले लिएको छ ।
Published Date: 23 March 2023
