काठमाडौं, चैत ८ । राष्ट्रपति रामचन्द्र पौडेलसँग नेपालका लागि चिनियाँ राजदूत चेन सोङले बुधबार शितल निवासमा शिष्टाचार भेट गरेका छन् ।
भेटमा उनीहरुबीच नेपाल र चीनबीचको द्विपक्षीय सम्बन्ध र आपसी हितका विविध क्षेत्रका बारेमा छलफल भएको राष्ट्रपति कार्यालयले जनाएको छ ।
फागुन २५ गते राष्ट्रपति पदमा निर्वाचित भएपछि राजदूत गीतले राष्ट्रपति पौडेललाई भेटेको यो पहिलो पटक हो ।
यसअघि राष्ट्रपति पौडेलसँग नेपालका लागि भारतीय राजदूत नवीन श्रीवास्तव र नेपालका लागि अमेरिकी राजदूत डीन आर थम्पसनले शिष्टाचार भेट गरेका थिए ।
