सुनको भाउ एकैदिन १,७०० रुपैयाँले महंगियो

काठमाडौं, फागुन २८ । आइतबार सुनचाँदीको भाउमा उछाल देखिएको छ । फागुन २८ गते, सुनको भाउ एक हजार ७०० रुपैयाँले महंगिएको छ । चाँदी पनि यस दिन प्रतितोला २५ रुपैयाँले वृद्धि भएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३ हजार ५०० रुपैयाँ पुगेको छ । यसैगरी, तेजाबी सुन प्रतितोला एक लाख तीन हजार रुपैयाँमा कारोबार भइरहेको छ।

साताको पहिलो दिन, चाँदीको मूल्य समेत वृद्धि भएको छ । आज चाँदी तोलामा २५ रुपैयाँले बढ्दा प्रतितोला एक हजार २४५ रुपैयाँमा खरिदबिक्री हुँदैछ ।