बारा, फागुन २८ । कोल्हवी नगरपालिका वडा नम्बर ५ का अध्यक्ष नन्दकिशोर चौधरीलाई डिभिजन वन कार्यालय सिमराले नियन्त्रणमा लिएको छ ।
वन फडानी गरेको आरोपमा अध्यक्ष चौधरीलाई वन कार्यालय सिमराले अनुसन्धानका लागि नियन्त्रणमा लिएको हो ।
डिभिजन वन कार्यालय सिम्राका प्रमुख विनोद सिंहले वडाध्यक्ष चौधरीको नेतृत्वमा साढे सात बिघा क्षेत्रफलमा रोपिएका आठ हजार पाँच सयभन्दा बढी रुख काटिएको आरोप लगाएका छन् ।
सिंहले आर्थिक वर्ष ०७७/०७८ मा कोल्हवी नगरपालिकाको वडा नं ५ स्थित राष्ट्रिय वनमा रहेको शिवमन्दिर वरपरको पाँच हेक्टर क्षेत्रफलबाट विभिन्न प्रकारका बिरुवा हटाउन निर्देशन दिएको सिंहले बताए ।
वन फडानी भएको ठाउँको अनुसन्धान गर्न टोलीसहित पुगेका बाराका प्रमुख जिल्ला अधिकारी नवराज सापकोटाले घटनामा चौधरीको संलग्नता पुष्टि भएको बताए ।
Published Date: 12 March 2023
