भक्तपुर, कार्तिक ८ । बडादसैंको अन्तिम दिन कोजाग्रत पूर्णिमाको अवसरमा राष्ट्रपति रामचन्द्र पौडेलले आइतबार भक्तपुरस्थित ऐतिहासिक नवदुर्गा मन्दिरमा पूजाअर्चना गरेका छन्।
प्रथम महिला सविता पौडेलसहित मन्दिर पुगेका राष्ट्रपति पौडेलले नवदुर्गा भवानीको दर्शन गर्नुका साथै ऐतिहासिक तलेजु मन्दिरबाट ल्याइएको जमरा, रातो टीका र प्रसाद ग्रहण गरेका थिए।
सो अवसरमा उनले नवदुर्गाका पुजारी, मूल नाइके तथा देवगणलाई परम्परागत दक्षिणा प्रदान गरेका थिए। मन्दिर परिसरमा परम्परागत नवदुर्गा नाच तथा सांस्कृतिक प्रस्तुति पनि प्रदर्शन गरिएको थियो।
कोजाग्रत पूर्णिमामा राष्ट्रप्रमुखले नवदुर्गा मन्दिरमा पुगेर पूजाअर्चना गर्ने ऐतिहासिक तथा सांस्कृतिक परम्परालाई निरन्तरता दिँदै राष्ट्रपति पौडेल भक्तपुर पुगेका हुन्।
Published Date: 25 October 2026
